林保怡北京攞獎證冇封殺
近期城中熱爆劇集《天與地》遭內地禁播後，有傳眾主角也受牽連被內地封殺，昨日到北京攞獎的林保怡則否認封殺傳聞，他說：「內地嘅工作完全正常，過關都冇問題喎。」而劇中另一主角黃德斌則心痛劇集遭炒作。
被網民喻為「神劇」的劇集《天與地》，最近被指有政治隱喻而遭內地禁播，女主角佘詩曼在大結局中的和諧論亦遭「河蟹」，繼而又傳出三位近期人氣爆燈的主角林保怡、陳豪及黃德斌遭內地封殺。
有意北京置業
離巢無綫後轉戰內地成搶手貨的林保怡，昨日身在北京接受電話訪問，他對於封殺傳聞表示：「冇問題喎，內地嘅工作完全正常，前晚到北京過關亦冇問題，呢度啲人都冇講《天與地》嘅嘢。」
在內地愈來愈吃香的保怡，昨晚在北京接受奇藝網所頒發的「年度最佳螢幕表現獎」，保怡對於奪得大獎感到十分高興，該獎是讚揚他由劇集《金枝慾孽》開始至今的卓越表現。喜愛北京生活的他還透露昨午在北京睇樓，有意在當地置業。
冇收叫停通知
《天與地》另一男主角黃德斌對於內地封殺傳聞大感奇怪，他昨日在電話表示：「我暫時就冇返內地拍劇，遲啲上去做嘢就有，但冇收過叫停嘅通知。」黃德斌語帶感慨說：「我哋拍劇係好單純，劇集只係用樂與怒去包裝，人食人嘅情節亦只係想表達人性，成套劇好單純，炒作到咁樣好心痛，心痛唔係返唔到內地，係劇集成為咗工具畀人哋攞嚟利用。」
採訪：影視組