關心妍fit爆想影婚照

關心妍（Jade）昨日為演唱會進行綵排，露腰上陣的她大騷22吋纖腰。Jade已操練到有腹肌，但仍未覺最理想：「希望到時操到有六舊腹肌！」現在身形甚fit的她想再拍結婚照：「結婚嗰時好瘦，但冇肌肉，唔知自己個身形keep到幾耐，都想留倩影，但都要老公練到肌肉先。」個唱已綵排得七七八八，每晚她會模擬開騷，讓自己進入個唱狀態。個唱中會有貼身舞，Jade說老公不會呷醋：「佢好明白，同埋得一part，佢頂得順。」