王祖藍糖水舖執笠 專心撈娛圈
搞笑、扮嘢、追女仔樣樣掂的無綫藝人王祖藍，做生意卻偏偏損手。據可靠消息透露，祖藍兩年多前與友人在尖沙咀開設的糖水店，於前日結束營業。
當係攞經驗
祖藍接受電話訪問時，他指出糖水店生意於數月前已賣盤，故他也是昨日才知道結業消息。談到被指做生意損手離場，祖藍樂觀謂：「無所謂啦，做人總唔會瓣瓣掂嘅，始終我做生意都仲係門外漢，當係攞個經驗。」祖藍透露暫時未有再做生意打算：「我今年主要會返內地拍戲同喺香港做綜藝節目，另外我都會開始籌備第二隻唱片。」
李亞男掃地
翻查資料，祖藍當年為力谷生意，曾碌盡友情卡廣邀圈中好友幫忙宣傳，就連當年已與祖藍發展地下情的李亞男，亦不惜放下華姐冠軍身份，幫祖藍掃地及執垃圾。雖然起用明星效應，但糖水店生意一直未見起色，祖藍六位數資金回本無望，加上祖藍無暇分身兼顧生意，故數月前將生意以超筍價轉讓給圈外好友，料不到好友最終決定結業。
文：影視組