Jocelyn難忘父親扮聖誕老人

混血名模Jocelyn與老公Anthony相識已八年,兩人今年第五次共度聖誕節。Anthony以往因忙DJ工作,故Jocelyn多數獨自返夏威夷過聖誕。Jocelyn笑言:「依家我哋結咗婚,一定會一齊慶祝聖誕節,個contract(結婚證書)包埋o架!」問到有何難忘聖誕經歷?Jocelyn指小時候曾經去叔叔家裏慶祝聖誕,小朋友會排隊等聖誕老人派禮物。她笑說:「有一年我認得個聖誕老人戴咗隻戒指,同爸爸嗰隻好似,我問佢係咪爸爸,佢當時否認。之後媽咪同我講,爸爸喺屋頂幫聖誕老人照顧緊啲馴鹿!」