關心妍駁「咀」請Avis借歪

Jade忙於籌備明年1月中假紅館舉行的演唱會外，日前抽空為新歌《仍然》拍攝MV，導演有感她的MV鮮有男主角參演，故安排了周秀娜男友陳偉成（Avis）及曾和糖妹、o靚模Jeana（何佩瑜）、La Ying傳緋聞的跳舞組合Bro5成員Dominic（何浩文）客串，幫Jade「起雙飛」。

讚對手專業

有靚仔助陣，Jade大有受寵若驚之感，可是導演臨時要求加場親吻的火辣戲時，Jade即面露難色，問導演可否借位拍攝，她說：「我唔係錫身，只係我未問過我老公啫，我唔想先斬後奏。」

Jade跟Avis的咀戲以借位形式拍攝。

Jade指外表花弗的Avis其實是怕醜仔一名。

問她對Avis同Dominic的感覺，Jade指兩人都年輕、靚仔，可惜在她心目中，只有老公最靚仔。不過她笑說因Avis是周秀娜的男友而有較深印象：「Avis畀人嘅感覺好似好花弗咁，但其實係怕醜仔嚟o架，不過佢都好專業，正職唔係演員，但都做到戲。」

沒有感尷尬　

Jade又說在現實生活中，未試過一腳踏兩船，因她是愛情專一的人，至於要拍擁抱的親熱戲，可有尷尬感覺？Jade稱沒有，自言是個有閱歷的人，拍拖時和男友也有較親密的接觸，不過現為人妻，覺得工作之餘，也要多關心老公的感受。

文：音樂組