方大同豪燒百萬搶攻無綫
「四大」歌手之一的方大同近年四出開巡迴演唱會搵銀，雖然無綫與四大成功破冰，但依然未有機會「亮相」，為宣傳新推出的演唱會DVD，所屬的華納唱片斥資近七位數在無綫大賣廣告，成為四大首間唱片公司為旗下歌手掟錢在無綫「現聲」及「現身」！
無綫與四大的版稅風波足足糾纏兩年，雖然上月宣布破冰成功，但只有「無綫契仔」李克勤獲邀出席慈善節目，其餘四大歌手均呆等機會，而謝安琪為宣傳明年一月演唱會，主辦單位無計可施下豪擲30萬在無綫賣廣告，同是四大歌手之一的方大同，亦要賣廣告才能「再現」無綫，其所屬的華納唱片為大同新推出的演唱會DVD造勢，花上近七位數買無綫黃金廣告時段，廣告於出碟當晚同步播出，成為四大首間唱片公司為歌手以燒銀紙方式「亮相」無綫機會。
薛凱琪助陣
剛完成台灣個唱返港的大同感激公司肯為他花近百萬宣傳，他說：「知道公司對我有信心，喺好多地方賣廣告，所有廣告同宣傳都做得好周詳。」身為華納一哥的他過去舉辦多場巡迴演唱會，確實為華納進帳不少，記者取笑他是公司「搖錢樹」才得到厚待，大同謙虛說：「唔好咁講，相信公司一視同仁。」大同巡唱請了緋聞女友薛凱琪做嘉賓，DVD亦收錄了兩人情侶合唱片段，滿足歌迷要求。
冇刻意偏幫
而華納高層坦言不是因為大同賺到錢才出動近百萬賣廣告，她說：「唔係計賺唔賺到錢同偏心邊個，大同咁啱係四大破冰後第一個出碟嘅歌手。（無綫有冇搵你哋歌手出席活動？）一路有傾，頒獎禮就唔會去喇。」
文：火品木