黃淑玲自資出碟圓歌手夢

馬來西亞小姐冠軍黃淑玲(Sherine)來港發展幾年,最近她決意由模特兒轉型做歌手闖樂壇,自資出碟圓歌手夢,她說︰「我好鍾意音樂,其實幾年前嚟讀書做嘢嗰陣,有朋友搵我做組合,但嗰陣覺得未係時候所以拒絕咗,雖然依家相隔幾年,但唔會覺得遲咗,我只係怕我唔做會後悔。」

Sherine這次找來音樂人伍仲衡(Harry)合作,為她錄新歌,Harry大讚她說︰「佢喺舞台上好放,而錄音嗰陣我發覺佢把聲可以好低音,都幾似梅艷芳呀。」Sherine聞言後感愕然指「高攀唔起」,其後她透露獲邀到上海舉行迷你音樂會,她說︰「之前幫我接工作的朋友,佢喺內地都有搞音樂會,今次好開心佢主動搵我話幫我喺內地搞迷你音樂會,真係好開心。」