鄭文囡囡跳舞娛賓
Now觀星台主播鄭文的女兒Sabrine 12月初一歲生日，為隆重其事，鄭文為女兒在黃長興開設的法國餐廳內大搞生日派對，更邀請圈中好友出席撐場，包括杜如風、余思敏及昔日的有線主播同事。問到做媽咪的感受，鄭文坦言苦樂參半：「個女好得意，學嘢又叻，好快就識行，見到佢成日咿咿呀呀同論論盡盡咁跳舞娛賓，真係好心甜。」
鄭文透露由於丈夫開製作公司，所以與杜如風及黃長興熟落：「佢同杜如風係長期合作關係，至於黃長興，就係之前合作去法國拍無綫嘅旅遊節目熟落嘅。」問到女兒收到甚麼生日禮物，鄭文坦言「多不勝數」，不過最令其感動的是為其精心設計生日蛋糕及回禮曲奇的好友。