張敬軒手緊賺錢買禮物
張敬軒每年習慣送聖誕禮物給自己作鼓勵，自嘲今年財政「手緊」，為滿足購物欲，不介意大時大節開工，過往曾經滿屋放滿聖誕老人和天使的他慘遭母親投訴。
軒仔在平安夜會於內地連走兩場，先到廣州出席聖誕活動，之後再趕到深圳為聖誕倒數活動演出，因此當天不會與家人共享聖誕大餐，軒仔表示正式的聖誕大餐沒有吃過，只試過買火雞返屋企開派對，難得今次有機會品嘗日式聖誕餐，可說是提早慶祝聖誕。
滿屋公仔令母不安
至於每逢聖誕節軒仔堅持要送禮物來鼓勵自己，他笑言：「Shopping買嘢最開心，唯一唔開心係『買大咗』，今年未買，有啲手緊。」所以，軒仔坦言不介意過時過節開工搵錢。並自言有時買東西買到有點「病態」，試過有一年聖誕節，瘋狂地買了很多聖誕老人公仔擺設來布置屋企，還將一個個的天使公仔掛在廳中，增添聖誕氣氛，但卻被母親投訴造成不安，怕半夜三更公仔會到處走，令他哭笑不得。
白車聖誕最為難忘
軒仔表示早年剛來港發展時朋友不多，嘗過Lonely X'mas滋味。至於白色聖誕？軒仔笑謂：「白色聖誕真係未試過，但『白車聖誕』就試過，因我突然哮喘病發，搞到要入醫院仲上埋報紙添，夠晒難忘啦！」
近年軒仔居住環境較寬敞可招呼朋友開派對，最開心是前兩年聖誕約了容祖兒、蔡卓妍等一班圈中好友在家中過聖誕，並玩交換價值十蚊的禮物，他抽到一個放香蕉的盒笑爆全場。
文：音樂組