羅可旋生完龍B即收工
佗着BB的羅可旋昨日出席胡桃夾子聖誕芭蕾聚餐2011，已育有三名子女的她表示兩個囝囝都有份表演，她笑言：「佢哋扮老鼠仔，係茄哩啡。（佢哋有學芭蕾舞？）冇架！囡囡以前就學過，但唔鍾意，佢性格比較男仔頭同埋活潑。（湊佢哋辛唔辛苦？）佢哋三個會互相消耗大家嘅體力，所以唔算太辛苦。」她透露下年三月便生BB，是仔來的，生完便真的收工，因為教小朋友要花很多時間。對於有指龍B聰明，她說：「中國人迷信啫，唔通龍年出世啲人個個都叻咩！」
同場的傅潔恩就負責芭蕾劇的統籌，她表示她的小朋友都有份表演，而徐子淇的囡囡亦有份表演，她說：「佢今年大個咗好多，定咗好多，佢係飾演女主角嘅朋友。」而徐子淇也有到場支持愛女。