薛芷倫搵真命天子推油
Ball后薛芷倫（Fanny）前晚生日，穿閃爆金色裙的她，風騷自爆生日好多男人相約，其中一個更可能是真命天子，替她擋風雨兼搽太陽油。
年前Fanny抗癌成功，回歸Ball場，與前夫馬清偉分手後回復單身的她，身邊一向不乏追求者，前晚她正日生日，一班好友如葉梁美蘭、榮雪梅、傅明憲和設計師鄭兆良等相約她到酒店食飯慶祝，但卻未見追求者。
搵伴唔係咁容易
Fanny穿着一身金光閃閃的連身短裙配皮草抵達酒店，非常風騷，她透露生日願望是希望擁有健康的身體、美麗內心和快樂的靈魂，問她生日是否想找個伴？她說：「暫時未搵到，唔係咁容易，（咩條件先吸引到你？）打風落雨或者我迷路時會拖住我隻手，叫我唔使怕；好天就同我出海幫我搽太陽油，無論開心同唔開心都喺我身邊支持我。（生日有冇男士約你？）好多好多男士話約我，可能其中一個係真命天子。」語畢哈哈大笑。
想要好多好多愛
她透露收到子女送贈的衫做生日禮物，而生日會分幾天慶祝，稍後亦會與前夫慶祝，自言與前夫經常見面，問她想收甚麼禮物時，她認為生日禮物不重要，最想收到的生日禮物是好多好多的愛！此外，她透露會擔任亞洲先生評判，自言評分會偏重亞洲男士。而傅明憲表示與朋友一同夾錢買禮物送給Fanny，禮物由Fanny自己揀。
文：名人組