嘉穎有樂易玲一日決不離巢

睽違已久的一句實至名歸，令嘉穎一吐烏氣高呼：「今次得獎就只有開心！」說不出的泰然舒暢。對於再膺視帝，嘉穎道出五年來的感受：「五年前我攞視帝，自覺未夠資格，今次我攞感覺好唔同，唔單只係公司再頒呢個獎畀我，而係我得到觀眾到其他演員、監製支持！再一次重申，我從來冇用約去換獎，因為自己係不朋不黨嘅人。」

並非事事聽話

談到要感謝的人，嘉穎表示除了媽媽以外，有三位女士對他至為重要：「電視圈就有三個。有珍姐(曾勵珍)、樂小姐(樂易玲)同Amy姐(王心慰)。」過往有指因為樂易玲隻手遮天，嘉穎才得以扶搖直上，但事實上嘉穎跟樂易玲在很多看法上都不一致，但不至於嗌交，雖然樂易玲是他的老細、伯樂，但他不是經常認同及聽她的說話。嘉穎續指自己並非擦鞋及送禮的人，與高層關係不是特別的好，被見到他跟樂小姐食飯是06年的事，當時因有官司而要見面傾談，他更反問：「但之後仲有冇影到我哋食飯？」

06年嘉穎被拍得跟樂易玲食飯，但他聲言只此一次。

嘉穎憑實力，終於再嘗封帝滋味。

感激一切部署

不過，始終沒有樂易玲，就沒有今天的鄭嘉穎，嘉穎不怕醜對這位伯「樂」說聲多謝：「一路以嚟她都照住我，總之佢仲喺TVB一日，你都唔會喺第二間電視台見到我，大家可以睇到我嘅立場係幾咁清晰，因為樂小姐我先喺TVB，真係好感激佢。」他回想當年樂小姐搞咗一隻《男人味》唱片，令丟低唱歌很久的他重拾上電台做訪問的感覺，亦令他因此有機會在06年推出新歌加精選的CD，他不諱言：「起碼畀我過一過癮，呢啲一切一切都係樂小姐幫我安排，係有好多部署。」

文：專案組　　

攝：吳文聰