黎明獲老婆力撐 捍衞貞操
黎明昨晚在紅館萬人狂歡兼老婆樂基兒（Gaile）高調撐場下，慶祝45歲快樂生日，全場氣氛熱爆！之前一直傳Gaile懷孕，黎明前晚親口否認傳聞，並狂插某報作流料猶如強姦，拋天王金句抗敵：「我一定要捍衞我嘅貞操。」
昨天是黎明45歲生日，亦是他的尾場演唱會，全場逾萬歌迷跟偶像狂歡慶祝，天王嫂Gaile繼首場到後台探班，昨晚高調現身撐夫，晚上8點45分，Gaile在經理人陳善之陪同下現身觀眾席，全場起哄，穿了皮褸襯碎花裙的她身形fit爆，還腳踏3吋高踭鞋以行動粉碎懷孕傳聞，獲全場觀眾鼓掌歡迎。
台上大爆金句
之前有傳Gaile懷孕，前晚黎明舉行第6場個唱時，終於親口否認流言，並插爆某報自行幻想捏造新聞。事緣前晚有來自深圳女歌迷趁玩遊戲時，向黎明發問：「可唔可以問敏感話題？」黎明笑說：「你係乜嘢人就係乜思維問乜嘢。」女歌迷說：「我剛剛做媽媽，不是要為難你，但我好想知道。」黎明反問她：「你想聽真係假？我係會講真話……你信傳媒還是信我，我告訴你，沒有，這是百分百事實。」黎明親口向歌迷否認老婆懷孕傳聞，全場叫聲拆天。
之後黎明唱完一首歌，忍唔住開腔插爆某報捏造新聞：「可唔可以畀機會我講兩句，邊個歌迷有睇8日嗰晚騷？有冇人記得我講乜，我今日睇某集團網上新聞，話黎明大爆金句，講同樂基兒造人經過搞嘢。」全場大嗌：「冇」，黎明不吐不快：「我知道有新聞自由，我都有言論自由，自己都係讀者，但傳媒有冇問讀者想唔想睇？係咪真？如果唔係真就係強迫，如果係強迫即係非法男女行為，亦即係強姦，我一定要捍衞我嘅貞操。」黎明貞操論金句一出，全場大笑拍掌，黎明再補一句：「大家唔好只睇娛樂新聞，要睇多啲外國新聞搵黃金屋。」
ＪＷ禾稈冚珍珠
另當黎明唱《願你今夜別離去》時坐上半空吊櫈，櫈邊射出煙花效果，黎明唱歌時不慎吸入硫磺甩嘴，事後他即向觀眾道歉：「唔好意思，硫磺太勁。」
JW拋胸演出繼續做黎明個唱嘉賓，記者笑她禾稈冚珍珠，JW說：「多謝媽咪，我係open to style，出街一定要戴bra，喺屋企就可以唔戴。」而前晚捧場藝人有林家棟、黃柏高、胡定欣、胡蓓蔚等。
採訪：音樂組