陳蕊蕊轉戰樂壇等收禮物

樂壇新人陳蕊蕊由電視圈轉戰樂壇,面對同期新人林欣彤和鄭欣宜實力旗鼓相當,她坦言對自己有信心,更希望在頒獎禮分一杯羹,作為轉型後的第一份禮物。

陳蕊蕊由電視節目中的「美味天使」,輾轉成為今年樂壇新人。無綫舞蹈藝員訓練班出身的她,在無綫當了四年舞蹈員,再轉到模特兒工作走出幕前,至今成為樂壇新人,她坦言工作範疇有很大分別,她說:「現在要兼顧嘅嘢比較多,因為我係跳唱歌手,台上要唱現場、跳舞、記走位和執生,所以好多嘢都仲要學習。」

唔靠無綫關係

蕊蕊由於有舞蹈底子,在舞蹈編排上亦會加入自己的意見,她說:「今年樂壇新人好多,個個都係好有實力,我較為優勝係一個跳唱歌手,我由細到大好鍾意聽歌同跳舞,依家算係達成咗一個小小心願。」

曾在無綫工作,與公司同事較為稔熟,會否因而增加自己在無綫的曝光率?蕊蕊直言的確認識好多監製和同事,亦有不少節目找她亮相擔任表演嘉賓,但相信無綫一定公平和公正。

聖誕密接job

問到同期新人林欣彤亦是無綫親生女,會否造成威脅?她說:「唔止林欣彤,鄭欣宜都好強勁。獎梗係想拎,但唔會貪心拎邊個,平常心唔好太大壓力,做好自己先最重要,希望將樂壇成績表當自己轉型後嘅第一份禮物。」

聖誕將至,蕊蕊已接到密密麻麻的工作,她說:「有工作當然好開心,但都想分時間畀家人,不過做藝人喺節日有工作係好事,希望時間分配到,做到兩全其美啦。」

採訪:影視組

場地:apm