吳彤搞足一世音樂
獨立唱作歌手吳彤上個月出席廣州華語金曲獎，獲頒「最佳獨立專輯」。他直言事前預料不到，因為對手強勁，來自中港台等地，他希望香港頒獎禮亦能效法，幫助推動獨立音樂：「香港依家啲頒獎禮都比較商業化，其實可以做多啲嘢幫吓獨立歌手，令更多人認識獨立音樂。」
獲獎後他跟師弟李斌豪（Lukas）在台上合唱歌曲《諷刺的生活》，他大讚師弟外形不錯，但仍不免對他「訓話」：「佢同我講話畀自己兩年時間試吓，唔得就算，我就話其實做音樂係一世嘅事，唔係試一兩年冇運就算！」Lukas聽君一夕話後，在頒獎禮唱現場的表現亦改善很多。