呂慧儀猛獸「陪嫁」

下周二出嫁的呂慧儀，早前由未婚夫黃文迪安排到泰國布吉拍婚照，更因呂慧儀喜歡大自然而特地找來一群猛獸「陪嫁」，她笑說：「拍攝嗰陣見到拉咗隻大象嚟，自己都嚇到O咗嘴！」其後她們又到馬房拍攝，豈料呂慧儀卻被「抽水」：「隻馬好曳，不停咁用鼻哄我個胸，我同佢講唔好咁鹹濕喇，佢又真係好似識聽走開。」
呂慧儀婚後會否變成「老虎乸」還言之尚早。
呂慧儀婚後會否變成「老虎乸」還言之尚早。

呂慧儀談到其中與老虎拍婚照一幕時滔滔不絕：「起初隻老虎都冇乜嘢，但其他人同佢影相就發脾氣，仲抓跌人哋部相機，我哋再影都有啲驚，點知佢又變番好乖，仲畀我摸佢個頭，原來老虎都好睇心情。」問到呂慧儀會否趁龍年生B？她說：「冇計劃，希望二人世界先，龍年生BB唔夠其他天王級BB撼喎，都係唔生住。」

呂慧儀下周二出嫁，但結婚前夕還要出席活動。
  • 呂慧儀下周二出嫁，但結婚前夕還要出席活動。
黃文迪為未來老婆預備了多隻猛獸拍結婚照。
  • 黃文迪為未來老婆預備了多隻猛獸拍結婚照。