邵美琪談秘婚 難掩春風
邵美琪被指暗交武打演員施祖男，兩人更共賦同居兼秘婚。邵美琪昨出席活動時全程笑容滿面，容光煥發，更謂下次出來才跟大家交代，似默認已為人婦！
昨日邵美琪及郭錦恩一同出席「心窗藝術坊」慈善活動，春風滿面的邵美琪，面對記者紛紛說恭喜，似有備而來說：「私人嘢唔講住，盡量講吓呢個活動嘅事啦，下次先講（秘婚傳聞），我想見多啲報嘛，總之有需要就會請大家嚟交代番，我都明白大家要同公司交代，我會安排吓！」
當聽到記者稱讚她容光煥發時，邵美琪繼續風騷地說：「你哋（記者）都係啦，咁聖誕就快到，而且又做慈善梗係靚啦！」對於舊愛鄭伊健送上祝福？她笑說：「留番下次先答，（應承下次先講？）我編排吓下次講啦！」她又謂現在正開拍一套賀歲片及為古裝片試造型，那豈不沒有時間過二人世界？她甜笑謂留待下次開記者會再回答呢！
郭錦恩即嗌恭喜
同場的郭錦恩得悉邵美琪疑已結婚一事也送上祝福，不過她透露近日因外婆患老人癡呆症而感到很不開心：「之前我媽咪都有喝佢，我覺得對小朋友同對老人家都一樣要有耐性，我啲小朋友有時都會激我，但我都唔會喝佢哋，我依家做咗電台節目，知道多咗一啲老人病嘅知識！」
文：名人組