瑪姬扽入沙漠欣賞夕陽
新城DJ瑪姬日前趁工作空檔特別帶埋家人到杜拜旅行，玩過很多刺激玩意。她更首次坐車扽來扽去前往沙漠，但欣賞到日落的美景，令她畢生難忘。
瑪姬經常忙於電台開咪做節目，又不時接司儀的工作，早前趁工作空檔，特別請假跟家人去杜拜旅行。外表又靚又斯文的她，原來喜歡追求刺激，成功挑戰杜拜三大不得不玩的刺激玩意。
滑梯太斜嗌救命
瑪姬首先走到法拉利主題樂園，大玩全世界最快過山車：「我去到樂園本身話個遊戲暫停，勁失望，無諗過過咗一個鐘頭就重開，全個樂園嘅人都衝晒去排隊，足足排咗兩粒鐘，不過都值得嘅，因為佢唔同普通過山車會慢慢先升上高點，佢係開始第一秒就時速二百五十公里，超好玩呀！」隨後，瑪姬走入棕櫚島的水上樂園，玩高達四、五層樓高的滑梯，她坦言傾斜度令她多次屁股離開滑梯，嚇到她不停嗌救命，笑稱跟「跳樓無分別」。
期望到訪夏威夷
難得飛到杜拜，瑪姬除了到訪著名的帆船酒店外，更首次到訪沙漠，坐四驅車周圍遊覽，她表示：「雖然架車高高低低好鬼扽，扽到個人想嘔，又吹到成面成口都係沙，但後尾見到個日落景，真係靚到不得了，我哋都爭取時間去影多幾張相！」瑪姬表示在杜拜有不少趣事，她坦言將來希望有機會到訪夏威夷及馬爾代夫，她說：「我好鍾意去靚人靚景嘅地方，呢兩度係我夢寐以求，希望可以盡快達成心願，不過依家畀心機搵錢先！」
採訪：卓藍