唐寧野餐食靚景望狗興嘆

唐寧早前寓工作於娛樂在加拿大四處遊歷,除了拜訪當地著名的公園外,更一嘗戶外野餐滋味。雖然玩得盡興,但唐寧笑言此行仍有遺憾,且跟一隻熱狗有關!

唐寧早前因電影《大藍湖》關係到加拿大溫哥華出席電影節,雖然前後在當地逗留六天,但由於大部分時間都要工作,唐寧最終只得半天私人時間。向來喜愛大自然的她,立即提議到偏僻森林進行野餐,唐寧笑謂:「雖然天氣好凍,但因為風景靚,所以我哋食足三個鐘。其實嗰日啲嘢食好簡單,主要係芝士、麵包同沙律,主菜就係風景,我哋仲見到松鼠添!」問到只得半天旅遊會否唔夠喉,唐寧說:「咁又冇,因為就算有嘢做,大會都會趁空檔帶我遊覽名勝,我已經好滿足。」

多名人幫襯

雖然如此,唐寧透露此行還有一大遺憾:「嗰度有架熱狗車,我由第一日見到已經好想食,但因為嗰度做嘢太夜關咗門,惟有等第二日,點知又因為早晚都有飯局,惟有等第三日,但又因為行程好密食唔到。結果等到最後一日,特登早啲起身諗住當早餐食,點知因為個廚師遲咗開工,又係食唔到,連續幾日都係得個望字,好傷心!」問到該熱狗到底有何吸引?唐寧即笑說:「好多名人都有幫襯買嚟食,令我覺得一定好好食。」

文:影視組