許穎搵定Sing援舞有怕

火辣o靚模許穎(Phoebe)預告將變身性感舞姬殺入樂壇,日前她聯同師妹Milla練舞,兩人喪扭蛇腰,投入自摸及趴地!原來Milla將要到廣州表演處女騷,挑戰Phoebe性感女神寶座。

人氣o靚模許穎及師妹程芷渝(Milla)日前到排舞室練舞,兩人在導師阿細指導下大跳性感舞步,瞓地又喪扭,更有自摸動作,做慣Model的她們當然應付自如,而且節奏感十足,只是略嫌筋骨未夠柔軟。起初穿上外套的Phoebe眼見Milla以性感背心騷事業線,即不甘示弱脫去外衣,俯身時34D更有破衫而出之勢,似要向師妹施下馬威。

原來Phoebe、Milla及另一位師妹Cassie(夏然然)將到廣州出席其公司主辦的模特兒大賽,Milla會大顯身手獨舞及唱歌,因此加緊練習,Phoebe則繼續表演強項打碟。Milla表示小時候曾學習芭蕾舞及Jazz,不過今次是入行後首次公開演出,心情開心又緊張,形象方面亦不失性感:「都會好少布,一於盡騷身材,唔會令大家失望!」擺明挑戰師姐Phoebe的性感女神地位。

師姐妹齊齊「傷膝」

至於Phoebe透露將轉戰樂壇,最近正參與炮製一首跳舞快歌:「類型會係電子音樂,所以學跳舞都為想裝備自己,等自己將來出騷舞姿好睇啲!」她表示平日有唱K,同事對其歌喉甚為讚賞。對於兩人的舞姿,星級排舞師兼場地負責人Monkey J表示滿意,曾贏出世界性比賽的他大讚兩人跳性感Steps具女人味,甚有潛質!不過兩女卻因跪地舞姿,搞到膝蓋瘀晒,慘變「傷膝」女,難怪兩女扁晒嘴。

文:影視組