姜皓文愛亞視唔諗過檔
資深演員姜皓文（黑仔）除了活躍於電視界，更參與不少電影演出。一直視亞視為「娘家」的他坦言從未想過「過檔」，他笑言：「因為我喺亞視出道，啱啱先續約兩年，真係有種情意結。但係佢最近已經好少有劇集製作，我真係好想拍劇！」而其有份主持的節目《香港有飯開》因製作費問題而停拍，他就不捨的謂：「其實我覺得呢個節目有得做o架，聽講下年初會再開，我都希望繼續參與。」
談到電影，他就笑言與杜琪峯的合作令他既緊張又期待：「其實我好耐之前同佢合作過一部電影，嗰場係拍我落車嘅戲份，點知我落車唔記得拉手掣，架車溜後撞到一個工作人員，真係嚇死我！」
髮型：QUEEN'S PRIVATEI SALON 場地：千福大少