陳倩揚三人行開心過聖誕
港姐索媽陳倩揚囝囝已近半歲，倩揚表示今年最開心可以和老公及囝囝歡度聖誕節，她又謂已跟老公有共識，一定不會縱壞愛兒。
陳倩揚自從成為纖體代言人後，身形還弗過未生B之前，搖身一變做索媽，連她的老公也嚷着要減肥，她笑說：「老公話叫纖體公司贊助埋佢。」倩揚更自爆纖體後鬧出笑話：「有次我去油站入油，油站職員見到我車內有BB車，佢以為我得20歲女，問我點解咁細個就生BB？」
傾偈代替責罵
問到會否繼續生B？她說：「都會呀，但畀我靚一陣先，出年先Plan，依家瘦過做女嗰陣。（嚴父慈母？）唔使特別分配角色，總之我哋唔會縱壞BB。」
倩揚又謂在囝囝面前不能有太多小動作及亂說話，她說：「有時痕都唔得，每個動作都要過濾，佢吸收能力好快，所以講嘢都要好小心。佢知我錫佢，試過扭計唔肯食嘢，我就以比較嚴肅表情同聲線，同囝囝『傾偈』。」
今年的聖誕節將會是倩揚過得最特別的聖誕，她說：「第一年同囝囝過聖誕，有好多Party要去，我要幫囝囝打扮下，不過男仔發揮空間有限。（慳唔少？）其實要多謝贊助商，慳咗置裝費、奶粉、尿片同BB用品。（有冇同老公拍拖？）冇呀，自從BB出世後都冇二人世界，太享受三人行呀。」
採訪：戶冊平
攝影：黃叔榮
場地：DNA
服飾：Luvlicious
鞋：DYOS
髮型：Tonnis Kwan