自責奉子娶陽光妹 Tom決做好男人！

Tom十月時與拍拖一年的「陽光妹」何思諺（Leanne）拉埋天窗，由於是奉子成婚惹來不少是非，Tom說：「我係陪老婆睇醫生驗孕，當知道有咗BB嗰刻有少少接受唔到，好突然，即刻諗隊Band點算？大家仲係搏殺階段，有少少自責。」

收入剛夠支出

Tom自言與老婆商議數日後決定誕下愛情結晶品，他說：「係佢安撫我，令我諗通好多嘢，佢話『我為咗你放棄好多』，嗰刻真係毛管戙。」他大讚老婆成熟信念堅強。由於Leanne正在安胎，問到收入能否養起一家三口？Tom說：「收入同支出啱啱好，坦白講睇你點養，我有信心。」並自言會做個負責的好爸爸同好老公。

明年進軍紅館

問到是否要努力搵銀？Tom說：「係o架！知道有奶粉公司搵老婆拍廣告。（BB會出鏡？）睇吓是何性質，如果宣傳就唔會。」他透露唱片公司有意為Mr.申請明年紅館檔期，他說：「我哋有同公司講，睇吓啲歌做成點，因為Mr.嘅口碑係唱現場。」

場地：The bali@彌敦酒店

文：音樂組

攝：司徒國榮