李蘊畀劉謙收服不再任性
歌手李蘊（Renee）聖誕將會在工作中度過，與台灣魔術師男友劉謙分隔異地的她自爆希望新年前可以見他一面。原來她與劉謙拍拖前，性格很霸道，要男友隨傳隨到，但與劉謙拍拖後改變了，當年任性的小女孩如今成熟了！
李蘊今年平安夜、聖誕都會在工作中度過，她坦言很想與家人吃飯，問她可想與男友劉謙一起過？她說：「佢會離開香港，睇吓佢喺邊度，又睇吓我喺邊度，平安夜到除夕可以見到佢一面都好！」
讚男友勤力有責任
她表示男友很會逗人開心，問她是否喜歡他口甜舌滑？她說：「咁講佢好似好花心，其實唔係，佢把口好叻，佢識令觀眾開心，亦令身邊嘅人好安心，好有責任感，人又勤力，佢出騷啲片全部都係自己剪，我要向佢學習。」
二人經常分隔異地，問她可會記掛對方？她說：「其實見得少都令我學到畀空間對方。」她表示自己以前拍拖，或者與男仔曖昧，都要經常感覺到對方存在：「我想見、想聽佢把聲就要即刻有，都好霸道！（依家呢？）有人同我講，話我成個人唔同咗，（劉謙改變你？）係，佢唔會令我多疑，我成個人都開心咗好多。」她表示與劉謙拍拖後，連唱歌技巧都有進步，因為經歷多了，表達上會更有feel。
採訪：王羽飛
攝影：謝國華