C AllStar聖誕開騷發動大合唱
組合C AllStar將於今個月尾舉行音樂會，音樂會將以聖誕為主題，到時可能會跟全場觀眾大合唱。至於年尾舉行的各大音樂頒獎禮，四子直言對自己的音樂有信心，但會以平常心面對。
四人男子組合C AllStar上月跟林二汶合作開音樂會，亦有表演跳舞，本來想塑造型格效果，怎料最終變成搞笑版，引得大家哄堂大笑！由於音樂會的時間太短，四子投訴未過足歌癮，今個月底他們會再搞一個音樂會，釗峰說：「因為喺聖誕嗰排搞，所以會用聖誕做主題，想到時同觀眾搞個全場大合唱。」他們向來喜愛做街頭表演，去年平安夜現身尖沙咀唱聖詩，今年聖誕亦會有新搞作，但時間、地點就要保持神秘。
組合成員on仔及Jaze仍處於求學階段，實習做社康護士的on仔將要投放多些時間在學業上：「因為實習要用好多時間，一日要八個鐘，所以年尾同下年年頭可能好多活動都出席唔到。」
爭獎平常心
提到有份競逐即將舉行的多個音樂頒獎禮，他們表示會盡量去齊，雖然對自己的音樂有信心，但攞獎與否都以平常心面對，阿King說：「喺樂壇要嘉許嘅人好多，個個攞都值得，如果真係攞到獎係個肯定，同埋係一個多謝幕後製作嘅機會。」忙完音樂會，他們又要馬不停蹄投入錄製第四張新碟。
文：專案組 攝：劉智源
場地：香港迪士尼樂園「反斗奇兵大本營」
服裝：Chocolate