謝安琪亮相TVB 阿媽當新聞
謝安琪（Kay）昨日與環球歌手出席音樂會記招，對於豪擲30萬賣廣告亮相無綫（TVB），Kay又透露其母見她出現無綫即致電她報喜，Kay說：「佢當大新聞咁睇。」
Kay、吳雨霏（Kary）、劉美君、張敬軒、組合Mr.及關楚耀昨日出席明年三月一日假會展舉行的《Re-imagine Leslie Cheung音樂會》記者會，屆時陳奕迅、陳慧琳、李克勤、莫文蔚及林子祥等歌手亦會獻唱張國榮（哥哥）經典金曲。雖然四大與無綫成功破冰，但昨日仍不見無綫採訪隊，身為環球唱片董事總經理黃劍濤說：「我哋已經通知晒所有媒體，亦知道無綫攝製隊唔多，可能又撞晒出面活動。」並透露有環球歌手參與無綫稍後舉行的《歡樂滿東華2011》。
Kary否認拍拖
Kay早前舉行明年演唱會記者會，因無綫不派人員採訪，令主辦單位無計可施下花30萬在無綫賣廣告，Kay一頭霧水說：「唔知咩事。（無綫小器？）唔好咁講。」記者笑說如當日無綫有人訪問她，主辦單位就不用賣廣告，Kay說：「多謝主辦單位咁錫我。」由於個唱廣告已於無綫黃金檔期播出，Kay坦言其母見到廣告後即致電她：「佢睇到我出現無綫，好似好大新聞咁打嚟，佢當大新聞咁睇。」Kay亦澄清自己不是第一位不接受無綫訪問的環球歌手。
此外，Kary透露新碟有金唱片銷量，即被取笑事業愛情兩得意，Kary否認說：「周柏豪同林德信（林子祥仔仔）都係朋友，依家我冇拍拖。」而軒仔表示不會參與無綫頒獎禮，他說：「去都冇意義，因為都冇派過歌，特登做表演就勉為其難。」對於吳卓羲微博出現張馨予床照，軒仔笑說：「我個微博都唔係自己發。（關智斌發？）唔係。」
文：音樂組