尹恩惠香港喪食例增磅

前日到港的韓星尹恩惠，昨日以主禮嘉賓身份出席德國精品皮具品牌MCM銅鑼灣全新衞星概念店開幕禮，穿豹紋trench coat現身的她型格非常，甫到場就令fans尖叫兼大叫她的名字。她受訪時態度友善，更稱會來港一周，但她未有正面回答有甚麼工作，只說：「暫時諗唔到，因為我好肚餓，想活動完後就去食嘢，每次來港都會肥！我知香港係購物天堂，但亦知會被跟蹤，冇自由。」她續說：「我仲記得初次來港，點知喬裝都畀人認出，最終都要返酒店。」

問尹恩惠會否買禮物給男友？她笑言若有男友，定必買禮物送給他，言談間暗示冇拖拍的她透露正物色好劇本。但問她是否認識韓玉珠（她因與男友分手而被男友將其裸照放上網）時，其經理人聽罷卻即時拉走她。

尹恩惠一身型格打扮來港出席品牌活動，親民有禮。	名模Rosemary及鍾浠文同露出玉臂。	放大圖片

曾催千嬅生B

同場的余文樂表示將與楊千嬅宣傳新片，但卻自言對千嬅傳有喜全不知情：「有咗？都唔係我！係咪真架？（真係唔知？）冇理由（指有咗），不過呢啲嘢一下就得，係就恭喜佢，咁忙都中，佢老公真叻。（工作時就住佢？）我唔理，佢都要做，我諗佢唔捨得唔做。（搵佢求證？）遲早都知，我都催過佢，佢仲話完成演唱會先，丁生真巴閉。（丁生話佢有操條腰？）呢啲唔係靠條腰，係靠身體質素。」

嘆難識好女仔

阿樂透露早前送名車給爸爸作生日禮物，更自爆爸爸曾「扭計」想要新抱，阿樂笑言：「我幫唔到佢，我能力買到車，就冇時間拍拖，盡量啦！身邊朋友都結婚同生小朋友，我都唔想遲，但又怕畀人利用。（驚咗內地女星？）唔可以咁講，每個地方都有好女仔，只係遇唔啱，呢啲睇你係咪遇人不淑同命水。」至於有否心儀對象？他說：「有試過，但唔work。（太忙？）係，自己試過，但太忙，根本冇時間溝通，冇辦法。」

文：名人組