佘穎表面冇偈傾 背後訴心聲
過氣緋聞男女鄭嘉穎與佘詩曼最近「冤家路窄」，繼日前在梁靖琪（Toby）婚宴上碰頭後，昨早又齊齊飛赴新加坡爭亞洲帝后。雖然表面無乜幾句，但二人互稱對方為朋友，阿佘更指在婚宴上與嘉穎密密傾，一直都很支持對方。
出爐視帝鄭嘉穎自獲獎後忙個不停，連續兩日為新劇《怒火街頭Ⅱ》開工後，昨早又與過氣緋聞女友佘詩曼、陳法拉及樂易玲等齊飛赴新加坡出席《第十六屆亞洲區電視大獎2011》頒獎禮。
「一路都係朋友」
前後腳抵達的佘穎未知是否怕尷尬，起初冇乜兩句，反而嘉穎與法拉更加好傾。問嘉穎與阿佘無語是否怕尷尬？他即說：「Toby度已傾咗好多，大家係朋友，冇尷尬。」阿佘亦指與嘉穎在Toby婚宴上談了很多：「佢攞視帝我即刻恭喜佢，我好開心！我一路好支持佢，我哋一路都係朋友。」她又稱昨早才得悉嘉穎炒車：「放心，佢個人咁旺，一定冇事嘅！」嘉穎則稱炒車後接了很多問候電話，多謝各界關心。
搵兩餐拒加片酬
問嘉穎有否信心膺「亞洲視帝」？他坦言雖然不知對手底蘊，但仍有一點信心，更風騷謂：「今晚（昨晚）話你聽呀！」他笑言即使再度稱帝亦不會加片酬：「小弟搵兩餐架咋！仲加？冇人搵架喇！」至於揚言無瞓過的阿佘對賽果抱平常心，皆因從沒想過入圍。
文：影視組