楊潮凱撐陳豪：心中嘅視帝

在無綫話題劇集《天與地》飾演少年版陳豪的無綫男藝員楊潮凱，對於劇集「叫好不叫座」，他說：「之前好多劇集以對白形式交代，觀眾接受咗，就未必接受以畫面交代嘅劇集，其實呢個係突破，唔使靠晒對白，好多時要靠觀眾去感受。」雖然一般師奶視迷未必受落，但潮凱表示該劇反而吸納了中產人士追看。

大讚零架子

今次是潮凱首部有角色的劇集，他說：「呢套戲要夾Band，我好享受拍攝過程，監製有感染力，大家全心全意演出。」問到陳豪對他演出有何評價？他說：「佢讚我演得好，好畀心機去演，佢太過獎，其實佢待人接物超好，雖然已經係一線小生，但冇架子，就算拍劇拍到好攰，都冇發脾氣，而且佢為呢套劇操得好弗，仲改變演繹方法。」

楊潮凱大讚陳豪是絕無架子的一線小生。

楊潮凱（左二）與樂瞳（右）「稱兄道弟」。

對於陳豪今年失落視帝，潮凱則力撐對方：「佢喺我心目中已經係視帝，作為後輩睇前輩演出，佢不停改變，好難得！」

等樂瞳請客

至於與他合作過的宅男女神樂瞳亦失落飛躍大獎，潮凱則說：「唔緊要，我力撐『好兄弟』，無論佢攞唔攞到獎，佢都話請我哋食飯。（自己想攞飛躍？）我梗係寄望，但起碼要做到令人印象深刻角色，要練好基本功先得。」

採訪、攝影：戶冊平