婷婷論盡男友禁生B
謝婷婷跟男友安志杰甜到漏，雖然前晚她單拖出席活動，但依然將男友掛在口邊，自爆有次不慎剪損小狗趾甲，令男友心痛不已，對方即時叫她唔好生BB，因他見到剪傷BB流血會更心痛！
穿上露肩裙的謝婷婷和周柏豪前晚到中環出席Hello Kitty珍藏版figure活動，大會送了一盒公仔figure鎖匙扣給婷婷，問會否送些給男友？婷婷竟踢爆高大威猛的安志杰鍾意公仔，她笑說：「我諗佢會搶，因為男友鍾意Hello Kitty，佢屋企有家姐、媽咪，自細喺女人堆長大，好識照顧女性。」
買樓要睇風水
聖誕將至，記者提議婷婷送「肉嘴」給男友做禮物，但鬼妹仔婷婷卻聽錯是玉墜，還說：「男友身上經常掛有玉墜，係佢媽咪送。」再提議她送BB做禮物，婷婷笑說：「我好傳統，雖然唔介意人未婚生子，但自己就好長遠。」還自爆有日幫狗仔剪趾甲，卻不慎剪損流血，男友大叫心痛，婷婷撒嬌說：「佢叫我唔好生BB，話見到BB流血仲心痛喎！」
曾透露有結婚計劃的婷婷坦言：「結婚講過好多次，唔再講，不過我都想買樓，但未洞悉市場，要請教媽咪。（對樓宇有何要求？）我會提出睇風水，睇咗冇壞影響，但唔代表要改變命運。」
柏豪炒車陰影
同場的周柏豪則獲贈電單車figure公仔，他說：「諗起17歲拍電單車廣告炒車，自己有陰影，弟弟想學都畀媽咪反對。雖然揸電單車方便，但好易有意外，自己供樓供車係屋企經濟支柱，發生意外好大件事，況且炒車好瘀會上A1，都係唔好學。」
採訪：音樂組