保良局主席龐盧淑燕即將再次榮升祖母，前晚出席保良局慈善盆菜宴時表示已封定利是，她說：「今個月我個孫女出世，加埋就有四條Queen，贏晒！我冇買禮物，都係封利是，鍾意買乜就買乜。（改名？）都係跟個熹字，仲諗緊。（有乜湊孫心得？）我冇湊孫，得閒睇吓，始終佢哋有佢哋方法湊小朋友，我畀好大自由度，尊重佢哋。」問到與新抱是否相處融洽？她笑言非常好：「我哋相處之道係互相尊重。（兩個新抱值一百分？）兩個都好乖！」
