「Roadshow女」梁慧恩（Viann）完成碩士課程，日前參加畢業典禮，她的「富二代」未婚夫、林忠豪堂弟林忠澤亦有到賀。林忠澤很有心思，專誠找來作曲人Keith Ling作了一首歌送給她，Viann說：「佢除咗入錄音室錄埋音，亦參與作詞工作，拍埋video送畀我，呢首歌係我哋從相識開始嘅細節，唱歌係佢最差一環，但都願意為我獻醜，我感動到哭了！（婚禮上會唱？）會，呢首係我哋嘅主題曲。」
兼顧幕前演出的Viann辛苦完成碩士課程且成績好，她還開始籌備博士學位的proposal，希望明年開始博士課程。她稱穿整齊禮袍戴上四方帽那刻，開始眼濕濕：「好感謝爸爸嘅養育之恩，因為呢兩年好辛苦，要兼顧功課、商務同幕前工作，身體試過撐不住，考試前一天屙血尿，半夜去睇急診，醫生話免疫系統因過勞而崩潰，我第二日要考試唔能夠留院，惟有忍痛去考，考完想喺路邊嘔，好彩最後嗰科攞A！」