Tom＠Mr.一索得男揸機陪產
恭喜、恭喜！樂隊Mr.鼓手Tom（杜志烜）與老婆「陽光妹」何思謙（Leanne）一索得男，Tom在電話中大方承認說：「照到係男仔，我同老婆都好興奮，其實仔女冇乜所謂，最緊要老婆同BB健康。」廿四孝老公的Tom坦言會準備相機陪老婆入產房，問到是否減去傳宗接代壓力？Tom笑說：「冇諗呢啲嘢，反而外母知道係仔好開心，我媽咪就冇乜所謂。」
至於結他手Dash則有意為Tom的BB擺滿月酒，他說：「呢個係我自己諗啫，未知佢屋企人嘅志願，如果擺滿月由我哋Mr.畀錢。」抵死的Dash笑言日後將Tom的生日禮物轉贈給BB，Dash說：「杜先生以後唔會再有禮物，會落晒去個仔到。」
