范姜官司了結 通街畀人恭喜

范姜前晚出席活動,對於自己與男友鍾鎮濤跟章小婉的官司了結,表示心情輕鬆不少,更笑言:「喺街好多唔識嘅人恭喜我哋,好似結婚咁。(要守行為覺唔覺得可惜?)唔會,因為要負責任,始終整壞咗人哋電話。」她表示案件發生後已沒有與章小婉見面,而對方亦已搬家。那是否為了避開他們才搬走?「唔知,但都好嘅,小朋友冇咁大壓力,因為佢哋見到佢,覺得佢個樣好惡;可能佢唔係惡嘅,不過只係冇笑,但係小朋友會驚。(平時會打招呼?)唔會。(你哋會唔會搬?)唔會,住咗好多年,又住得好開心。」