諸葛冇睇法拉 全家捧杏兒

胡杏兒和陳法拉一直被視為問鼎視后的兩大熱門人選,有傳和「大嫂」法拉不和的名模諸葛紫岐明顯撐硬杏兒,在微博上自稱中了杏兒毒大讚演技好。前晚諸葛現身活動直言每晚全家支持杏兒,不過若法拉榮登視后也會替她開心!

【蔡穎怡澳門直擊】前晚名模諸葛紫岐、Cara G.、Jocelyn、姚予晴、Alice B.及內地歌手李宇春等出席美國頂級牛仔服飾品牌7 For All Mankind假澳門舉行的澳門首間概念店池畔慶祝派對,25名模特兒演繹超過四十套春夏新裝,而品牌更為李宇春設計了以金線和水晶打造的五線譜及音符圖案的牛仔褲。

邊個攞都戥佢哋開心

諸葛日前在微博表示深受主演《萬凰之王》的胡杏兒演技感動,更寫道:「我已經中咗胡杏兒毒」,由於杏兒和法拉為兩大視后熱門,諸葛如此盛讚杏兒,難免令人認為她不支持傳不和的法拉。諸葛說:「我只係一個觀眾,平時好喜歡睇電視劇,杏兒係做得幾好,故事又好好,加上杏兒又係我好朋友,我唔希望大家有任何聯想。其實兩個都各有各好,只係依家套劇播緊,我全家都晚晚追住睇。(全家有冇追睇法拉套劇?)之前我唔喺香港冇睇,但我都知佢做得幾好,邊個攞(視后)都支持,因為拍劇真係好辛苦。兩個成數都好高,邊個攞都戥佢哋開心!」

Alice B.重遇壞男孩

另外,剛在英國探親返港的混血女模Alice B.,說母親患了重病而行動不便及不能下廚,故打算在十二月會再返家以照顧母親。Alice更言重遇小時曾有好感的男生,「但當時佢唔係好男仔,大家冇拍拖,依家見番佢變晒,佢仲照顧我媽咪,親自下廚同埋送佢去醫院,媽咪都讚佢係perfect boy!」至於會否深受感動而愛上對方,Alice只說:「或者啦!」

文:名人組