李泳豪飄移上大陸搵到食

圈中藝人經營的副業大多開舖頭賣衫、賣鞋或是從事飲食業,不過藝人李泳豪(豪仔)則尋求另類刺激,近年愛上玩飄移的他更索性化身導師,開班教汽車發燒友玩飄移,既可寓工作於娛樂,又可搵番筆外快。豪仔說︰「上年開始喺內地教人飄移,因為內地市場大,有好多汽車發燒友,多數都係教佢哋基本飄移技巧,但其實自己都一直進修緊。」問有否遇過一些難搞的學生?他說︰「啲學員好極端,一係好快上手,亦有啲車感差,試好多次都唔成功,可能會質疑我嘅教車手法,不過我會示範畀佢睇,令佢信服。」

作為一個飄移教練,豪仔直言收入都算唔錯,若是旺季每月最多可賺五位數字,他說︰「收入OK o架,旺季嗰陣五位數字一定有,內地人好多都捨得花錢,嚟完一次又會再嚟,學嘅人咁多,當然會有錢賺啦。」

教車辛酸示範似焗桑拿

教車錢其實唔容易賺,豪仔表示夏天教車相當辛若,他說︰「我哋教飄移會落場示範好多次,但架車唔可以開冷氣,真係好熱,示範一轉已經流晒大汗。」除熱爆外,有時更要負責賽車的維修,他說︰「車隊中當然有人整車,但有時都要落手落腳幫手,因為飄移注重安全,一定唔可以出錯。」