超盈擺平兩姊拗撬 樂做和事老

賭王何鴻燊本月25日90大壽,各房為慶祝活動均費盡心思,每年四房都定於正日跟何生賀壽,今年也不例外。而早前二、三房就因生日檔期而傳出爭拗,不過四房長女何超盈就做「和事老」力撐家姐,稱曾聯絡兩房家姐,相信傳言純屬誤會。

賭王何鴻燊11月25日90大壽,各房人已定好跟何生賀壽的日子,二房於20日舉行盛大生日派對,21日即何生舊曆生日就一如以往由三房慶祝,至於四房則同樣在正日於信德澳門賽馬會慶祝。早前三房長女超雲出席活動時自爆擔心父親連續於20及21日兩日慶祝負荷不了,遂聯絡二房家姐詢問,但二房家姐沒有回覆而掀起小風波。

焦點應放生日會

四房長女超盈前晚現身「3 iPhone Gala Night」派對時就擔當「和事老」平息風波:「我有同兩個家姐傾過,相信係誤會,所有人都想Daddy開心,就算分開或者一齊慶祝,大家都係想focus喺Daddy生日,希望大家唔好focus喺是非上面。(何生連續幾日慶祝,身體會唔會負荷唔到?)Daddy身體好好,大家都有為Daddy着想。」記者謂當日是超雲主動「訴苦」才掀起事端,超盈說:「我唔信我兩個家姐會搬弄是非,佢哋咁忙但都抽時間搞生日,已好大壓力,佢哋咁有內涵同修養,我唔信佢哋會將屋企嘅嘢變是非向大家交代。」

文:名人組