Crystal老外唔吼 Dry遊英國
HotCha成員Crystal早前到英國放假兼增肥，雖然英鎊高企，但總覺得「一生總要豪一次」，實行大破慳囊，豪食約400元港幣一餐的晚飯，她更遇上不少英國靚仔，可惜愛神之箭未有射中她，趕不及嫁老外的潮流。
Crystal早前首度踏足英國旅行，此行可謂圓了她自小的英國夢，她說：「睇足球比賽都支持英國，鍾意佢哋嘅建築，紅色郵筒喺香港街道漸漸消失時，我曾經因為呢啲小事而傷心過。」雖然旅程只有兩星期，不過Crystal爭取時間，近乎遊遍每個名勝古蹟，好似有倫敦一間最大的朱古力商店、Nottinghill Gate及音樂劇院。
日花400蚊食晚飯
問Crystal可有在英國瘋狂購物？她說今次主要想休息及增肥，皆因其激瘦身形，令同行的友人心痛不已，故花費多在飲食中，可是因英鎊高企，單買一支水也要約20元港幣，故她不惜豪一次，每餐都食近400元港幣一餐的晚飯。問她可有感肉赤？Crystal笑笑口說：「都幾赤㗎，有時我會唔食早餐，留番啲錢食餐好啲嘅晚餐，但係朋友知道我最愛吃egg benedict ，所以特別帶我去一間好豪裝嘅餐廳食呢個早餐，原來真係好好食，環境又夠氣派，唔怪得咁多英國人嚟傾生意。」
觀音樂劇有啟發
最後，Crystal欣賞最著名的又難撲飛的音樂劇《Wicked》，她大讚：「女主角嘅歌聲震撼咗我，睇完之後，很羨慕可以喺台上能唱能跳嘅每一位，清晰知道自己夢想嘅目標，尋找到自己。」問她可有艷遇？Crystal指雖然英國通街靚仔，可惜沒有人搭訕，故未有機會發展異地情緣。
文：音樂組