楊采妮家傳之錶留畀新抱
楊采妮昨日為喜運佳與Harry Winston攜手合作的專門店開幕擔任剪綵嘉賓，她表示第一隻擁有的腕錶就是家傳之寶：「係婆婆留畀媽咪，媽咪再留畀我，我都會留畀下一代，如果係仔就留畀新抱。之前都有收過男友送嘅錶，收錶冇收戒指咁大壓力，收戒指好似就係求婚。」她強調感情事急不來，她續說：「我鍾意小朋友，第時領養都得，唔怕做高齡產婦，我本身都有助養小朋友，所以大家唔好再催我結婚生BB喇！」
蔡加讚未有囍訊
而玩具大王蔡志明兒子蔡加讚被問及有傳他跟女友汪圓圓結婚？他否認說：「暫時未有好消息，（求婚失敗？）點會？冇失敗因為冇求婚，大家都覺得仲後生，想攞多啲經驗，人生流流長，（圓圓係咪你結婚對象？）我哋都差唔多一年，都好穩定，家人都冇催，總之我鍾意佢哋就會鍾意。」