爆E超蓮搏命Do唔吼富二代

Iris因貌似何家美女何超蓮兼擁E級豐滿上圍，甫出道即被冠以「爆E超蓮」稱號。於外國長大的她性格洋化，與同性朋友態度親暱實屬等閒。對於日前她被拍到與好友唐貝詩飲嘢時咀嘴，她強調是角度問題，同性戀之說實屬荒謬。

喜愛夜蒲

問到現時感情狀況？Iris自稱被一富二代男士追求：「件事未係好明朗，不過佢家底、外形都同我好襯。（欠啲咩？）係我自己問題，我有兩份工，又要陪屋企人，又要同朋友聚會，冇時間啦！」她承認是愛蒲一族，但否認是隨便的人。Iris謂：「我去酒吧通常都係同一班朋友聚會，好少會識到陌生人。我介意一夜情，可能因為我係中國人，所以做唔出，一定要有感覺我先可以有（性）關係。」

Iris讀設計出身，除了當o靚模外，更於一間公司兼職做市場調查、宣傳。雖然她家底豐厚，但仍身兼兩職，令人不禁起疑。她對此氣憤地說：「有錢嘅小朋友唔使返工咩？模特兒都係一份職業，我知道人一定要做嘢，我唔要做廢人！」為何如此有錢仍要行性感？她說：「性感都有底線，我係好貪靚，好鍾意影相，所以做Model。（底線係咩？）重要部位！」

Iris（右）強調與唐貝詩是好朋友，不會越軌。（資料圖片）

雖然愛蒲，但Iris抗拒一夜情。

未定目標

提到何超蓮都是有錢女，但不會像她一樣搏命，Iris說：「我諗何超蓮讀完書都唔會唔做嘢。（但都唔使咁辛苦！）辛苦都值得，因為我唔想屋企人擔心。（係咪有咩遠大目標？）未定目標，我希望每分鐘都過得有意義，我相信呢一刻嘅努力係唔會白費。」

文：王羽飛　

攝：黃叔榮