DaDa叫男友Cosplay互影慾照
有料之人陳靜（DaDa）昨日玩Cosplay變身遊戲機角色，但不及師妹「爆E超蓮」Iris開胸性感！問到會否跟男友閨房玩變裝？DaDa笑言會先要求對方穿上Cosplay裝拍照，一於有相齊齊影以保障自己，但似乎此舉唔多Work！
「百果園咪神」陳靜昨日率同門師妹「爆E超蓮」鍾采羲（Iris）、蔡瑩瑩（Ivy）、王梓如（Ayu）以及舊愛王宗堯出席遊戲機活動，眾人以全副裝備Cosplay上陣，當中Iris以開胸旗袍大騷驕人上圍，撼低只略為低胸的DaDa！
認唔夠搶鏡
DaDa事後亦承認不夠Iris搶鏡，但直言若配合角色不介意更性感，提到陳冠希要求16歲學生o靚模謝芷蕙（Cammi）玩制服誘惑，DaDa表示過去未有男友有此要求，但笑言會叫對方先穿上Cosplay裝扮拍照，藉以保障自己：「我會叫佢着畀我睇先，再互影囉！」問到是否覺得Cammi博上位？DaDa若有所指說：「我覺得私密嘢唔好公開講，拎出嚟就係另一種用途。」
為行騷減肥
DaDa表示將出發往日本東京為TGA行秋冬時裝騷，對於首次到外地行Catwalk又是唯一香港代表，DaDa大表緊張，已密密做運動及戒食減肥，她說：「希望上台唔好跌親啦！（啲衫性感？）都係，會着兩套衫，騷平時騷開嗰啲，我都學緊幾句日文，同日本客戶溝通吓。（想去日本發展？）都想呀！咩形象就再決定。」席間大會選「最喜愛的Cosplay女角色」，王宗堯似乎對舊愛DaDa念念不忘，大讚她紫色頭髮搶鏡及美腿變纖瘦。
文：影視組