林熙蕾為愛女停戲一載
於本年8月為丈夫楊晨誕下女兒Kaitlin的台灣女星林熙蕾（Kelly），昨日產後首度訪港出席護膚品活動，並與有「翻版林熙蕾」之稱的華姐冠軍苟芸慧及模特兒莊思敏同場。當大會播放囡囡照片時，Kelly即眼泛淚光兼講不出聲，事後她直認掛念女兒：「諗唔到自己會咁（喊）！」並指將暫停接戲湊女，直至囡囡滿一歲才「出山」：「有劇本等我，但唔會接愛情戲。（接吻戲？）睇老公畀唔畀！」但隨即強調雖然女兒重要，老公仍是no.1。
至於苟芸慧透露首次與Kelly同場，心情緊張得如小粉絲見偶像，並大讚對方較自己Sexy。而以Deep-V上陣的莊思敏，自爆險「Big爆」拉鏈，又揚言已與林忠豪斬纜，並笑說：「叫佢唔好阻住我開拓新市場！」
