阿B北京返港避談刑毀
鍾鎮濤（阿B）和女友范姜素貞今年四月跟前「姨仔」章小婉起爭執，上月底兩人被警方落案一項涉嫌刑事毀壞罪，范姜另被控一項「涉嫌襲擊導致造成實際身體受傷」罪，二人將於今日在東區裁判法院提堂。
原來在北京工作的阿B昨日下午四時許返抵香港，當記者問及他心情時，阿B說：「你哋畀條路我行啦，依家唔方便講嘢，（范姜微博有留言，佢係咪都好擔心？）我都好想講，但依家真係唔方便，唔好意思！」問到對案件有沒有信心、囡囡嘉晴會否擔心等問題，阿B全程都笑而不答，最後他表示：「不如等件事完咗再講啦！」然後他坐上七人車直驅返回麥當勞道的寓所。晚上七點，他跟范姜乘坐座駕到中環接埋一名男友人，隨後駛到九龍仔業主會晚膳。
另外，昨午約十二點，張智霖（Chilam）一家由上海返港，太太袁詠儀發現記者後，立即吩咐囝囝用手遮面避鏡。