馬詩慧斥陳冠希過火

淫照主角陳冠希與16歲o靚模謝芷蕙(Cammi)的咀嘴相片廣泛流傳,圈中家長無不感嘆,馬詩慧更斥陳冠希過火。

貴為兩女之母的馬詩慧說:「點解啲人仲要影呢啲親熱相,係咪會high啲、投入啲,依家啲人嘅道德觀念變晒,同以前唔同,但都唔應該咁過火,個女仔得十六歲,年齡真係好細。(會否擔心兩個女兒?)作為父母會不時提醒佢哋,我對佢哋都有信心。」

汪詩詩同樣表示Cammi實在太細,亦擔心將來女兒做出這種事:「當然驚,所以做媽咪同仔女要溝通好啲,我要個女乜事都要同我講。」

育有一女的新城DJ林盛斌說:「個女仔有冇腦呀?就算呢期佢真係多咗Job,都係三個月至半年,之後大家會唔記得,希望佢好自為之。」