B女似陸永噩夢成真
關心妍（Jade）和農夫昨日出席活動，農夫下月12日在佛山演唱，C君笑言要幫陸永搵奶粉錢，陸永則說太太產檢時已照3D，BB女樣子似足他，十足餅印，他說：「醫生話佢有長腿！（BB女似你，老婆有冇唔開心？）有，佢之前發咗個噩夢，就係醫生同佢講個女似老竇，估唔到夢境成真。」
Jade為了明年1月20日的個唱而減磅，距離開騷只得兩個多月籌備，時間不多又要練歌練氣，所以盡量做好不去投訴。老公可有包飛支持？Jade笑言：「佢做咗訂票部，朋友打嚟照收錢，唔會送飛，因為開一場，靚位有限呀！」