Iris飲大 魔爪逃生

「爆E超蓮」鍾采羲（Iris）對萬聖節情有獨鍾，近幾年都跟好友扮嘢開P，這日她變身性感小魔女大騷事業線，又趴又瞓之餘，更對着鏡頭放電，勢要令男fans大量失血！Iris表示難得一年內有機會放膽扮嘢，過往曾扮演護士、空姐及偶像瑪麗蓮夢露等，多數以靚為主：「因為唔想『毀容』，可能下年會試啲肉酸啲、滿臉血漿嘅鬼怪。」

Iris慶祝萬聖節，飲大兩杯幾乎樂極生悲。

經一事長一智，Iris揚言不敢再飲烈酒。

免生意外戒飲烈酒

擁有E Cup豐滿上圍的Iris吸引不少狂蜂浪蝶，亦曾被拍到夜蒲與好友唐貝詩咀嘴，予人感覺熱情，日前出席萬聖節派對時便慘遇狼爪！當時飲大兩杯的她與好友失散，即被五名大漢有機可乘，將她拉到牆角博懵，幸在緊急關頭獲救，她猶有餘悸說：「好在我班朋友嚟得切救我！所以話女仔出去玩要好小心，一定要有信得過嘅朋友陪！」受驚的她自言會戒飲烈酒，只飲酒精含量較低的飲品，而今年萬聖節正日她則在工作中度過。

好友瘀爆幸災樂禍

Iris又大爆好友的瘀事，她表示去年眾人開P狂歡，在舞池中High爆起舞時，一名女友人竟Fing斷Bra帶扣，因而當場出醜露點！不過「殘忍」的Iris沒有幫手反而狂笑對方，她亦自言沒有同情心。

文：立影　攝：吳文聰

場地：V.Club

服裝：Be With

化妝：Queenie Wong