Eason想造人 老婆閂閘
陳奕迅（Eason）自爆狀態不佳，面腫眼又紅，懷疑有「男性周期」困擾，以致失眠、疲累兼身體萎縮，連太太都請食「閉門羹」，造人計劃徹底受阻。
Eason、吳雨霏（Kary）、黃貫中（Paul）及其樂隊The Postman稍後將舉行音樂會，由於Paul前晚在九展的演唱會上「唱爆聲」而缺席昨日的記者會。
瞓過龍眼腫
Eason在會上叫Kary為「霏姐」，問他可擔心「環球另一位阿姐」不悅？他嬉皮笑臉反問：「琪姐（謝安琪）？唔會，個個都係阿姐。（你最細？）年紀唔係，學友細啲。」他指同公司的關楚耀、張敬軒及譚詠麟全是「阿哥」、「阿爺」及「校長」級，他只是「迅仔」。
Eason說因Paul要忙綵排自己的演唱會，才未有時間傾合唱事宜，他又除下墨鏡展示紅腫的雙眼，自言自語說：「我尋晚瞓得好好，瞓咗9個鐘，瞓到腫晒，近排睡眠質素好差，唔知點解，可能男仔一個月總有一次，生理嗰啲嘢，好攰，之前天光7、8點都瞓到。」問他是否趕造人才缺乏睡眠？他否認，說太太早起早睡無暇理他。有謂他可跟太太跑步做運動？他又含糊說：「我唔跑得步呀，有啲難言之隱，肌肉萎縮。」
寫歌冇文采
Eason指Paul是其偶像，即場唱幾句估計是Paul寫給女友朱茵的歌《無得比》，稱很想學他寫歌給太太，奈何文采不足，但又不願假手於人，但轉頭又估Paul未能駕馭他的歌，他說：「叫佢唱我啲歌係有難度，唔係key嘅問題，係有挑戰性。」
另外，Kary否認整容，表示入行時曾被指「大鼻」而想過整鼻，不過又擔心「愈整愈大」而「縮沙」。
採訪：音樂組