廖碧兒冇眼睇林忠豪緋聞
藝人廖碧兒與江美儀、歌星湯寶如昨日在青衣出席《香港傑出動物大獎2011》頒獎禮。碧兒對過氣緋聞男友林忠豪近期力追莊思敏外，又約前Freeze成員甄詠珊飯局，她表示近期沒有見過對方亦少聯絡，加上經常在大陸工作，冇睇過有關報道。問碧兒會不會吃醋？她說：「依家只係專注工作，對新聞態度輕鬆咗。（林忠豪花弗？）朋友私人嘢冇乜留意。」睇見「前度」花邊新聞多多，冇眼睇都是正常。另外，林忠豪和莊思敏今日將會為慈善，首度以情侶檔身份結伴出席在山頂舉行的「邁步為兒童」慈善步行日。
而湯寶如日前與一班昔日寶麗金唱片公司歌手飯局，但她卻說：「我覺得好恐怖囉，食飯嘅內容會做晒新聞，都冇得追究係邊個放料，個個都有機會係嫌疑犯，都係少講秘密嘢為妙。」湯寶如明年將再出碟兼計劃舉行20周年演唱會。
