帥氣之爭

男服女穿這個時裝美學已流行了數季，亦是今年秋冬時裝潮流的重頭戲之一，但不一定要全套西裝上陣，簡單一件西裝褸已可演繹出富帥氣之魅力，一眾名人亦紛紛以熱爆Blazer Jacket（西裝外套）示人，散發剛柔並重女人味。名模陳嘉容就大讚鍾楚紅令人眼前一亮，美麗如昔，而何超雲則斯文大方，盡顯何家淑女風範。

成個Look感覺好有型，件褸嘅Cutting好靚，佢襯皮褲就更加有時尚感，凸顯到佢身形高挑纖瘦嘅優點。

幾得意，好靚好有型，好有層次感，成個人嘅線條修長咗，個身形比例好靚。

陳山聰OK，佢不嬲着衫都好睇，超雲呢個紅襯黑嘅配搭好Sharp，紅黑通常都唔會出錯，佢咁着仲顯得佢瘦咗，加上一頭黑髮都好襯，斯文大方，好有何家淑女嘅風範。

好典型嘅日本Style打扮，不過太多嘢喇，唔知個Focus喺邊度，感覺有啲眼花繚亂，唔好襯條裙，換條貼身牛仔褲會更加好睇，更加乾淨。

好好睇，Casual得嚟夠型格，加上佢人夠高，腿又夠長夠幼，好靚，成個線條好修長。

OK，始終Model着衫好少失手，以佢咁嘅高度着呢套衫好好睇，型型哋又有女性美，呢套衫唔易Carry，因為灰色容易令人顯得成熟，同埋件恤衫個Cutting唔修身，好在佢本身夠瘦就無問題。

一般Smart casual嘅打扮，如果入面換件喱士背心或者黑色Corset會靚好多，同埋型好多，亦都更有女人味，又或者喺條頸度加件大件嘅Accessories，會特別啲，依家咁襯無咩星味。

好靚，好Sharp，令人眼前一亮，好有女人味同時又好有型，紅姑所有嘢都Keep得好好，令人睇得賞心悅目。

陳嘉容，香港著名模特兒，曾為各大國際品牌行時裝騷，在時裝界打滾多年，對時裝方面的認識無論是理論還是實戰都難不到她，近年更為電視時裝節目擔任主持，化身Stylist教人配襯衣着打扮。