余曉彤愛買底褲贈男友
o靚模余曉彤（Hidy）早前與潛水教練男友William成功箍煲後，愛情得意，事業亦得意，日前與Bro5成員La Ying及Dominic再獲服裝品牌邀請拍廣告，Hidy說：「第二次幫Tunfische拍廣告，人工加咗，今次秋冬季系列，廣告主題貫徹番品牌同我『有性格』嘅共通點。（鍾意買衫畀男友？）鍾意o架！有時見到鍾意就買畀佢，唔理佢鍾唔鍾意，佢都肯着嘅，一齊咁耐點會唔知佢心水？（買埋內褲？）好正常啫！佢都有買內衣畀我，（啱唔啱心水？）只要啱佢心水，就啱我心水！」
La Ying與Dominic今輯廣告不用再爭奪Hidy，免傷兄弟情，La Ying說：「其實我同Dominic不嬲好兄弟，頭先佢仲掂到我個屁股添，講笑啫！」談到秋冬裝的選擇，兩人則異口同聲說愛玩色撞色，Dominic更說：「我嘅fashion心得係可以揀啲衫袖長度啱香港人手長嘅，着起上嚟會型啲！」
